Read Shri Hanuman Chalisa lyrics given in both Hindi and English languages.
श्री हनुमान चालीसा
Shri Hanuman Chalisa
॥ दोहा / Stanza ॥
श्रीगुरु चरन सरोज रज निज मनु मुकुरु सुधारि ।
बरनउँ रघुबर बिमल जसु जो दायकु फल चारि ॥
Shri guru charan saroj raj neej manu mukur sudhari ।
Baranu raghubar bimal jasu jo dayaku phal chari ॥
बुद्धिहीन तनु जानिके सुमिरौं पवन-कुमार ।
बल बुधि बिद्या देहु मोहिं हरहु कलेस बिकार ॥
Buddhi heen tanu janike sumero pavan kumar ।
Bal buddhi bidya deu mohi harau kales bikar ॥
॥ चौपाई / Quatrain ॥
॥०१॥
जय हनुमान ज्ञान गुन सागर ।
जय कपीस तिहुँ लोक उजागर ॥
Jai Hanuman gyan gun sagar ।
Jai kapis tihu lok ujagar ॥
॥०२॥
राम दूत अतुलित बल धामा ।
अंजनी-पुत्र पवनसुत नामा ॥
Ram doot atulit bal dhama ।
Anjaani-putra pavan sut nama ॥
॥०३॥
महाबीर बिक्रम बजरंगी ।
कुमति निवार सुमति के संगी ॥
Mahabir bikram Bajrangi ।
Kumati nivar sumati ke sangi ॥
॥०४॥
कंचन बरन बिराज सुबेसा ।
कानन कुण्डल कुंचित केसा ॥
Kanchan baran biraj subesa ।
Kanan kundal kunchit kesa ॥
॥०५॥
हाथ बज्र और ध्वजा बिराजै ।
काँधे मूँज जनेऊ साजै ॥
Hath bajra aur dhvaja biraje ।
Kaandhe munj janeu saje ॥
॥०६॥
संकर सुवन केसरी नंदन ।
तेज प्रताप महा जग बन्दन ॥
Sankar suvan Kesari nandan ।
Tej pratap maha jag bandan ॥
॥०७॥
बिद्यावान गुनी अति चातुर ।
राम काज करिबे को आतुर ॥
Bidyavaan guni ati chatur ।
Ram kaj karibe ko aatur ॥
॥०८॥
प्रभु चरित्र सुनिबे को रसिया ।
राम लखन सीता मन बसिया
Prabhu charitra sunibe-ko rasiya ।
Ram Lakhan Sita maan basiya ॥
॥०९॥
सूक्ष्म रूप धरि सियहिं दिखावा ।
बिकट रूप धरि लंक जरावा
Sukshma roop dhari Siyahi dikhava ।
Bikat roop dhari Lank jarava ॥
॥१०॥
भीम रूप धरि असुर सँहारे ।
रामचन्द्र के काज सँवारे
Bhim roop dhari asur sahare ।
Ramachandra ke kaj savare ॥
॥११॥
लाय संजीवन लखन जियाये ।
श्रीरघुबीर हरषि उर लाये
Laye sanjivan Lakhan jiyaye ।
Shri Raghuvir harashi ur laye ॥
॥१२॥
रघुपति किन्ही बहुत बड़ाई ।
तुम मम प्रिय भरतहि सम भाई ॥
Raghupati kinhi bahut badhaee ।
Tum mam priye Bharat-hi-sam bhai ॥
॥१३॥
सहस बदन तुम्हरो जस गावैं ।
अस कहि श्रीपति कंठ लगावैं
Sahas badan tumharo jas gaave ।
Asa-kahi Shripati kantha lagave ॥
॥१४॥
सनकादिक ब्रम्हादि मुनीसा ।
नारद सारद सहित अहीसा
Sankadik brahmadi munisa ।
Narad-sarad sahit ahisa ॥
॥१५॥
जम कुबेर दिगपाल जहाँ ते ।
कबि कोबिद कहि सके कहाँ ते
Jum Kuber digpaal jaha teh ।
Kabi Kovid kahi sake kahan teh ॥
॥१६॥
तुम उपकार सुग्रीवहिं कीन्हा ।
राम मिलाय राज पद दीन्हा
Tum upkar Sugreevahi keenha ।
Ram milaye rajpad deenha ॥
॥१७॥
तुम्हरो मंत्र बिभीषन माना ।
लंकेस्वर भए सब जग जाना
Tumharo mantra Vibhishan maana ।
Lankeshvar bhaye sab jag jana ॥
॥१८॥
जुग सहस्त्र जोजन पर भानु ।
लील्यो ताहि मधुर फल जानू
Yug sahastra jojan par bhanu ।
Leelyo tahi madhur phaal janu ॥
॥१९॥
प्रभु मुद्रिका मेलि मुख माहीं ।
जलधि लाँघि गये अचरज नाहीं
Prabhu mudrika meli mukh mahi ।
Jaladi langhi gaye achraj nahi ॥
॥२०॥
दुर्गम काज जगत के जेते ।
सुगम अनुग्रह तुम्हरे तेते
Durgaam kaj jagat ke jete ।
Sugam anugraha tumhre tete ॥
॥२१॥
राम दुआरे तुम रखवारे ।
होत न आज्ञा बिनु पैसारे
Ram duwaare tum rakhvare ।
Hoat na adyna binu paisare ॥
॥२२॥
सब सुख लहै तुम्हारी सरना ।
तुम रच्छक काहू को डर ना ॥
Sab sukh lahe tumhari sarna ।
Tum rakshak kahu ko darna ॥
॥२३॥
आपन तेज सम्हारो आपै ।
तीनों लोक हाँक तें काँपै ॥
Aapan tej samharo aape ।
Teenho lok hank teh kanpe ॥
॥२४॥
भूत पिसाच निकट नहिं आवै ।
महाबीर जब नाम सुनावै ॥
Bhoot pisaach nikat nahin aave ।
Mahabir jab naam sunave ॥
॥२५॥
नासै रोग हरै सब पीरा ।
जपत निरन्तर हनुमत बीरा ॥
Nase rog hare sab peera ।
Japat nirantar Hanumant beera ॥
॥२६॥
संकट तें हनुमान छुडावे ।
मन क्रम बचन ध्यान जो लावै
Sankat se Hanuman chudave ।
Man karam bachan dyan jo lave ॥
॥२७॥
सब पर राम तपस्वी राजा ।
तिन के काज सकल तुम साजा ॥
Sab par Ram tapasvee raja ।
Teen ke kaj sakal tum saja ॥
॥२८॥
और मनोरथ जो कोई लावै ।
सोई अमित जीवन फल पावै ॥
Aur manorath jo koi lave ।
Soee amit jeevan phal pave ॥
॥२९॥
चारो जुग परताप तुम्हारा ।
है परसिद्ध जगत उजियारा ॥
Charo yug partap tumhara । Hoee parasiddha jagat ujiyara ॥
॥३०॥
साधु सन्त के तुम रखवारे ।
असुर निकन्दन राम दुलारे ॥
Sadhu sant ke tum rakhware ।
Asur nikanandan Ram dulare ॥
॥३१॥
अष्टसिद्धि नौ निधि के दाता ।
अस बर दीन जानकी माता ॥
Ashta-sidhi nav nidhi ke daata ।
Asabar deen Janki mata ॥
॥३२॥
राम रसायन तुम्हरे पासा ।
सदा रहो रघुपति के दासा ॥
Ram rasayan tumhare pasa ।
Sada raho Raghupati ke dasa ॥32॥
॥३३॥
तुम्हरे भजन राम को पावै ।
जनम जनम के दुख बिसरावै ॥
Tumhare bhajan Ram ko paave ।
Janam-janam ke dukh bisrave ॥
॥३४॥
अन्त काल रघुबर पुर जाई ।
जहाँ जन्म हरिभक्त कहाई ॥
Anth-kaal Raghubar pur jaee ।
Jaha janma Hari-bhakht kahaee ॥
॥३५॥
और देवता चित्त न धरई ।
हनुमत सेही सर्ब सुख करई
Aur devta chitta na dharaee ।
Hanumanth se he sarba sukh karaee ॥
॥३६॥
संकट कटै मिटै सब पीरा ।
जो सुमिरे हनुमत बलबीरा
Sankat kate-mite sab peera ।
Jo sumire Hanumat balbeera ॥
॥३७॥
जय जय जय हनुमान गोसाईं ।
कृपा करहु गुरुदेव की नाईं ॥
Jai Jai Jai Hanuman gosaee ।
Krupa karahu gurudev ki naee ॥
॥३८॥
जो सत बार पाठ कर कोई ।
छूटहि बन्दि महा सुख होई
Jo sath baar paath kar koi ।
Chuthee bandhi maha sukh hoee ॥
॥३९॥
जो यह पढ़ै हनुमान चालीसा ।
होय सिद्धि साखी गौरीसा ॥
Jo yaha padhe Hanuman Chalisa ।
Hoye Siddhi Sakhi Gaurisa ॥
॥४०॥
तुलसीदास सदा हरि चेरा ।
कीजै नाथ हृदय मह डेरा
Tulsidas sada Hari chera ।
Keeje nath hridaye maha dera ॥
॥ दोहा / Stanza ॥
पवनतनय संकट हरन मंगल मुर्ति रूप ।
राम लखन सीता सहित हृदय बसहु सुर भूप ॥
Pavan tanay sankat harana mangal murti roop ।
Ram Lakhan Sita sahit hriday basau sur bhuup ॥
॥ जय-घोष / Hail the Lord ॥
बोल बजरंगबली की जय ।
पवन पुत्र हनुमान की जय ॥
Bol Bajarangabali ki jai ।
Pavan putra Hanuman ki hai ॥
